Суд над Алегам Калінковым адкладзены

2011 2011-01-13T15:47:59+0200 1970-01-01T03:00:00+0300 be

У судзе Ленінскага раёна Гродна пачаўся разгляд адміністрацыйнай справы ў дачыненні да Алега Калінкова – даверанай асобы кандыдата ў прэзідэнты Уладзіміра Някляева.

Алег Калінкоў, паводле міліцэйскага пратакола, абвінавачваецца ў непадпарадкаванні патрабаванням супрацоўнікаў міліцыі пры выкананні імі службовых паўнамоцтваў.

На думку Алега Калінкова, абвінавачанні надуманыя і не адпавядаюць рэчаіснасці:

– Каля пад’езда мяне чакала машына з супрацоўнікамі міліцыі ў цывільным. Я меў сесці ў сваю машыну, калі яны падышлі да мяне і папрасілі закурыць, не прадставіўшыся, што гэта супрацоўнікі міліцыі. Я спужаўся ды паспрабаваў вярнуцца ў пад’езд – там мяне ўжо затрымалі.

Негледзячы на тое, што паводле беларускага заканадаўства разгляд адміністрацыйнай справы адкрыты, суддзя Віталь Ляцко не дазволіў прысутнічаць на судзе прадстаўнікам незалежных СМІ.

У сувязі з тым, што ў суд не з’явіўся сведка-міліцыянт, разгляд справы перанесены на 26 студзеня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international