Зьміцер Буланаў затрыманы на 3 сутак у якасьці падазраванага

Зьміцер Буланаў, адзін з удзельнікаў Плошчы, які быў пакараны арыштам на 10 сутак, затрыманы ізноў і дастаўлены ў сьледчае упраўленьне папярэдняга раследваньня МУС на вуліцы Сапёраў.Стала вядома, што яго затрымалі на трое сутак ў якасьці падазраванага па крымінальнай справе аб масавых беспарадках. Ці будзе яму прад'яўленае абвінавачаньне - пакуль невядома.

Яму патэлефанавалі раніцай і прапанавалі з'явіцца на гутарку. Але калі Зміцер адмовіўся без позвы сустракацца са сьледчымі, яго забралі на Сапёраў. Дададзім, што на Акрэсціна, пад час адбываньня адміністратыўнага пакараньня, актывіста некалькі разоў дапытвалі пра падзеі 19 сьнежня ў Менску.