Суд адмовіў Някляеву ў змене меры стрымання

2011 2011-01-06T18:48:10+0200 1970-01-01T03:00:00+0300 be

Суд Цэнтральнага раёна Мінска адхіліў скаргу адваката Ўладзіміра Букштынава аб змене меры стрымання яго падабароннаму, былому кандыдату ў прэзідэнты Уладзіміру Някляеву.

Судовае паседжанне прайшло 6 студзеня ў закрытым рэжыме. Букштынаў паведаміў журналістам, што прасіў разгледзець скаргі Уладзіміра Някляева, які ў цяперашні час знаходзіцца ў следчым ізалятары КДБ, аднак гэтую просьбу не задаволілі.

Суд прыняў рашэнне меру стрымання пакінуць ранейшай. Па словах адваката, галоўным матывам такога рашэння стала тое, што Някляеў абвінавачваецца ў здзяйсненні асабліва цяжкага злачынства.

Нагадаем, разам з іншымі шасцю экс-кандыдатамі Уладзімір Някляеў абвінавачваецца ў арганізацыі і ўдзеле ў масавых беспарадках (арт. 293 Крымінальнага кодэкса).

У Букштынава ёсць адзін дзень на абскарджванне гэтага рашэння ў вышэйстаячай інстанцыі.

«Я лічу прынятае судом Цэнтральнага раёна рашэнне аб адмове ў задавальненні маёй скаргі неабгрунтаваным і абавязкова абскарджу яго ў Мінскім гарадскім судзе», — заявіў адвакат.

Як паведамлялася раней, скарга была пададзеная 3 студзеня. Да яе прыкладалася выпіска з лячэбнай установы аб захворваннях палітыка. «Па маіх дадзеных, Някляеў зараз знаходзіцца ў камеры СІЗА КДБ, у шпіталь яго не змяшчалі», — сказаў Букштынаў 5 студзеня.

Някляеў быў моцна зьбіты вечарам 19 снежня каля офіса кампаніі «Гавары праўду!» на вуліцы Няміга, за гадзіну да пачатку акцыі пратэсту апазіцыі супраць фальсіфікацыі вынікаў галасавання. У момант збівання палітык яшчэ знаходзіўся ў статусе кандыдата ў прэзідэнты.

У ноч на 20 снежня супрацоўнікі спецслужбаў даставілі яго з лякарні ў следчы ізалятар КДБ. 29 Снежня Някляеў перанёс гіпэртанічны крыз.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international