Алеся Кіркевіча чакае новы суд
Падчас адсідкі дзесяцісутачнага тэрміну на
Акрэсьціна юнаку была ўручана позва для яўкі на суд у Горадню 6 студзеня. На
гэты раз па справе ўдзелу ў “несанкцыянаваным мітынгу” Статкевіча.
Сапраўды, 16 сьнежня падчас візыту кандыдатаў у прэзідэнты Статкевіча і Уса ў
Горадню, каля будынку Філармоніі, куды кандыдатаў не пусьцілі, зышлося даволі
шмат абураных гарадзенцаў. Потым сытуацыя ўсё ж такі вырашылася – кандыдатам
“ласкава” далі месца для сустрэчы ў актавай залі ПТВ будаўнікоў за кіламетр-два
ад першапачатковага месца сустрэчы.
Неўзабаве калона пад бел-чырвона-белым сьцягам вырушыла і, нягледзячы на
фенаменальную колькасць і падбор правакатараў у цывільным, сустрэча адбылася.
Юнаку зноўку інкрымінуюць арт. 23.34 ч.1 – удзел у несанкцыянаваным мітынгу. У
справе фігуруе таксама выкарыстаньне нацыянальнага сьцягу – сымболікі,
“незарегистрированной в установленном порядке”.
Паседжаньне адбудзецца 6 студзеня у 10.00 у судзе Кастрычніцкага раёну па вул.
Пушкіна д. 47 к. 24 (Б) (гэта новая частка вуліцы, каля будынку МЧС і Аховы).
