ЦВК: перагляд вынікаў выбараў у Вярхоўным судзе немагчымы

2011 2011-01-04T10:20:42+0200 1970-01-01T03:00:00+0300 be

Цэнтрвыбаркам Беларусі лічыць немагчымым перагляд Вярхоўным судом свайго рашэньня аб прызнаньні вынікаў прэзыдэнцкіх выбараў.

"Падобныя скаргі не падлягаюць разгляду Вярхоўным судом, паколькі вынікі выбараў падводзіць Цэнтрвыбаркам", – заявіў агенцтву "Інтэрфакс-Захад" сакратар ЦВК Мікалай Лазавік.

Паводле яго, "па розных фактах у Вярхоўным судзе могуць абскарджвацца рашэньні, напрыклад, адмова ў рэгістрацыі кандыдата ў прэзыдэнты". "Але вынікі выбараў падводзіць не суд, а Цэнтральная камісія, якая валодае для гэтага ўсімі неабходнымі дакумэнтамі", – сказаў сакратар ЦВК.

Раней экс-кандыдат у прэзыдэнты Рыгор Кастусёў падаў заяву ў Вярхоўны суд з просьбай перагледзець рашэньне Цэнтрвыбаркама аб прызнаньні прэзыдэнцкіх выбараў.

Як паведамілі агенцтву ў прэс-службе Партыі БНФ, у заяве ўтрымліваецца пералік парушэньняў, якія былі зафіксаваныя назіральнікамі, членамі выбарчых камісій і даверанымі асобамі кандыдатаў у прэзыдэнты. "У мяне няма надзеі на справядлівае рашэньне Вярхоўнага суда. Магчыма, маё заяву нават не будзе прынятая да разгляду. Тым ня менш, я перакананы, што падаць заяву з просьбай перагледзець рашэньне ЦВК з улікам парушэньняў, я павінен быў. А рашэньне па маім заяве хай застанецца на сумленьні беларускіх уладаў ", – працытавалі ў партыі заяву Р.Кастусёва.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international