Арыштаваныя на суткі выходзяць з ізалятараў
https://spring96.org/be/news/40271
2010
2010-12-29T19:53:54+0200
2010-12-29T19:53:54+0200
1970-01-01T03:00:00+0300
be
https://spring96.org/files/images/sources/akrescina.jpg
Праваабарончы цэнтр «ВЯСНА»
Праваабарончы цэнтр «ВЯСНА»
Праваабарончы цэнтр «ВЯСНА»
Праваабарончы цэнтр «ВЯСНА»
Са следчых ізалятараў пачалі выпускаць людзей, якія атрымалі адміністрацыйны арышт тэрмінам на 10 сутак за ўдзел у мірнай акцыі акцыі пратэсту супраць вынікаў выбараў, што адбыўся 19 снежня ў Мінску на плошчы Незалежнасці.
Па словах юрыста ПЦ "Вясна" Валянціна Стэфановіча, праваабаронцы прагназавалі, што затрыманых будуць адпускаць датэрмінова, каб не было калектыўных сустрэчаў. "З'явілася інфармацыя, што некаторых арыштаваных, якія
знаходзяцца ў Цэнтры ізаляцыі правапарушальнікаў на Акрэсціна, вывозяць
у "аўтазаках" у цэнтр горада і выпускаюць ужо там", — сказаў ён.
Сёння на волю павінны выйсці каля 300 чалавек, якія адбывалі адміністрацыйныя арышты ў следчым ізалятары Жодзіна, Цэнтры ізаляцыі правапарушальнікаў на Акрэсціна і ізалятары часовага ўтрымання Мінскага раёна.
Грамадскае аб'яднанне "Рух "За Свабоду" накіравала ў Жодзіна (Мінская вобласць) два аўтобусы, каб сустрэць выпушчаных пасля арышту і развезці іх па дамах.
Каля дваццаці чалавек з тых, хто быў арыштаваны ў часе разгоне мітынгу 19 снежня і асуджаны на 10 сутак арышту, ўжо адпусцілі. Пры выхадзе ім перадалі паштоўкі з волі. Вызваленых сустракаюць з
падарункамі валанцёры і сваякі вязняў, асуджаных на большы тэрмін,
якія прынеслі перадачы. Таксама ім прапануюць прававую дапамогу і грошы, каб даехаць дадому.
