Затрыманьні ў рэгіёнах працягваюцца

2006 2006-03-20T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

20 сакавіка ў Барысаве на выезьдзе з гораду затрымалі трох мясцовых актывістаў: Віктара Гарбачова, Анатоля Бякасава і Людмілу Шчарбакову.

Як паведаміў карэспандэнту Радыё Свабода намесьнік старшыні барысаўскага выбарчага штабу Мілінкевіча Мікалай Пахабаў, яны скіроўваліся ў Менск на аўтамабілі, аднак міліцыянты даставілі іх у Барысаўскі ГАУС. Актывісты везьлі матэрыялы незалежнага назіраньня за прэзыдэнцкімі выбарамі ў гэтым горадзе. Паводле Пахабава, міліцыянты адмаўляюцца тлумачыць прычыны затрыманьня.

Каля 17 гадзінаў у гарадзкім парку Гародні мілцыянты затрымалі Анджэя Пісальніка — журналіста, актывіста Саюзу палякаў. Неўзабаве, паводле сьведкаў, былі затрыманы яшчэ некалькі чалавек, якіх пасадзілі ў міліцэйскі аўтобус. Прозьвішчы іх пакуль не вядомыя. У Ленінскім РАУС Горадні, аднак, не пацьвердзілі, што туды дастаўлены Анджэй Пісальнік. Дарэчы, яго выпусьцілі сёньня ў першай палове дня на волю: ён сядзеў пяць сутак нібыта за нецэнзурную лаянку.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international