Вызваленыя ад адбыцця арышту пацвердзілі, што яны на волі

У Праваабарончы цэнтр "Вясна" пазваніў адзін з асуджаных да арышту, які пацвердзіў, што частка арыштаваных вызвалена ад адбыцця пакарання. З якой прычыны -- невядома. Інфармацыя пра тое, што рашэнне суда адменена -- не была агучана.

Малады чалавек быў асуджаны на 10 сутак адміністратыўнага арышту і накіраваны да адбыцця пакарання ў ізалятар часовага ўтрымання ў Жодзіна. Учора ў камеру прыйшоў ахоўнік і сказаў збіраць рэчы. Спачаку арыштаваны быў адвезены ў бальніцу, дзе яго агледзеў доктар, а потым ахоўнік сказаў, што ён вольны. Малады чалавек разам з яшчэ чатырма вызваленымі арыштантамі пакінуў Жодзіна.