На Кастрычніцкай плошчы сабралося каля 10 тысяч чалавек

21-00
Нягледзячы на тое, што станцыі метро "Кастрычніцкая" і "Купалаўская" закрытыя, а аўтобусы не спыняюцца, з кожнай хвілінай людзей становіцца ўсё больш. Карэспандэнтка Радыё Свабода перадала: "Людзі спыняюцца. Аўтамабілі сігналяць на знак салідарнасьці. На гэты момант я налічыла 42 бел-чырвона-белыя сьцягі. Столькі мы бачылі толькі ў 1996 годзе.
На плошчы адчуваецца атмасфера сьвята. Людзей усё больш і больш. Супрацоўнікі міліцыі сядзяць у аўтобусах. Ніхто пакуль не выходзіць. Побач стаяць людзі ў цывільным. Людзі скандуюць "Свабоду! Свабоду!". Яна патрабуюць пераменаў.
На плошчы на гэты момант не працуюць мабільныя тэлефоны".