На адным з выбарчых участкаў Мінска будзе праведзены пералік бюлетэняў

2010 2010-12-22T09:41:51+0200 1970-01-01T03:00:00+0300 be

На выбарчым участку № 104 Маскоўскага раёна Мінска будзе праведзены пералік бюлетэняў для галасавання. Пра гэта паведаміў сакратар Цэнтрвыбаркама Мікалай Лазавік.

Паводле яго слоў, адпаведнае рашэнне прыняла 21 снежня Цэнтральная камісія. Пералік бюлетэняў будзе праходзіць 22 снежня ў прысутнасці прадстаўнікоў раённых і Мінскай гарадской выбарчых камісій.

Лазавік растлумачыў, што нагодай для пераліку бюлетэняў паслужылі разыходжанні ў іх колькасці.

«Праца камісіі на гэтым участку насіла канфліктны характар. Прадстаўнікі апазіцыі, якія ўваходзілі ў камісію, а таксама з’яўляліся назіральнікамі, спрабавалі справакаваць скандал», — сказаў ён.

У той жа час Лазавік адзначыў, што пералік галасоў на адным участку не зможа паўплываць на вынікі выбараў у цэлым па краіне.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international