Бабруйск: Назіральнікам адмаўляюць у інфармацыі

2010 2010-12-19T20:12:27+0200 1970-01-01T03:00:00+0300 be http://spring96.org/files/images/sources/zabarona1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Назіральнік Анатоль Санаценка, які працуе на ўчастку № 40 Бабруйска і Аляксандр Леаненка, які назірае на ўчастку № 6 у вёсцы Вішнёўка Бабруйскага раёна, не могуць атрымаць ніякай інфармацыі. Сябры камісій не даюць ім звесткі аб колькасці выбаршчыкаў і спісе людзей, якія маюць патрэбу прагаласаваць на даму.

А назіральнік па выбарчаму ўчастку № 45 Алесь Сушчэўскі здзіўляецца колькасці дробных парушэнняў, на якія сябры ўчастковай камісіі “закрываюць вочы”.

- Людзі масава заходзяць у кабінкі для галасавання па два чалавекі. Таксама з’яўляюцца асобы, якія пачынаюць на ўчастку агітаваць за Лукашэнку, і сябры камісій звяртаюць на гэта ўвагу толькі пасля некалькіх хвілін іх “дзейнасці”.

Назіральнік ад БХК Андрэй Падаляк, які працуе на выбарчым участку № 32, таксама паведамляе пра парушэнні.

- Учора скрыню для датэрміновага галасавання на маім участку схавалі ў сейф, а сёння не дасталі, - распавядае Андрэй. – І гэта негледзячы на тое, што скрыні для галасавання, у тым ліку для датэрміновага, павінны пастаянна знаходзіцца ў полі зроку. Да таго ж яшчэ ўчора мне падалося, што ўрна для датэрміновага галасавання запячатана ненадзейна, але падыйсці бліжэй і упэўніцца, што з ёй усё нармальна, мне не дазволілі. Таксама назіральнік расказаў, што з раніцы яму не дазволілі ўбачыць кабінкі для галасавання.

Але найбольш адзначылася ўчастковая камісія з вёскі Саломенка Бабруйскага раёна. Жыхары гэтай вёскі распавялі бабруйскім праваабаронцам, што яны прагаласавалі яшчэ 14-15 снежня. Сябры камісіі прайшліся па дамах з вынаснымі урнамі, і саламчукі аддалі свае галасы. Па закону ж галасаванне па месцы жыхарства выбаршчыкаў дапускаецца толькі ў дзень галасавання.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international