Зварот маці і жонак Беларусі да кіраўнікоў дзяржаў і парламентаў

2006 2006-03-18T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

«Мы, беларускія маці і жонкі звяртаемся да вас за дапамогай.

19 сакавіка 2006 года пройдуць выбары Прэзідэнта Рэспублікі Беларусь. Выбарчая кампанія праходзіць ва ўмовах татальных парушэнняў правоў і свабод грамадзян Беларусі. Затрыманыя і асуджаныя сотні грамадзян, якія выступаюць на баку адзінага кандыдата ад дэмакратычных сіл Аляксандра Мілінкевіча. У гэтыя хвіліны ў стане баявой гатоўнасці знаходзяцца ўсе сілавыя структуры Беларусі. Па загадзе, які аддаў А.Лукашэнка, 19 сакавіка 2006 года можа праліцца кроў нашых мужоў, сыноў і дочак, і ўсіх тых, хто адважыўся адстойваць Свабоду, Праўду, Справядлівасць.

Мы хвалюемся за жыццё і лёс тых, каго прымушаюць да гвалту над сваімі аднагодкамі, сваімі роднымі і блізкімі, ператвараючы іх у закладнікаў злачынных дзеянняў супраць уласнага народа.
Мы шмат што ператрывалі за 12 гадоў кіравання Лукашэнкі. Мы шмат што прабачылі першаму Прэзідэнту Беларусі. Аднак мы не можам дапусціць пагроз у адрас нашых мужоў і дзяцей, не дазволім яму ператвараць іх у гарматнае мяса.

Мы, беларускія маці і жонкі ўстанем побач з нашымі дзецьмі і будзем жывым бастыёнам для іх.
Звяртаючыся да вас, заяўляем, што далейшыя загады і распараджэнні А.Лукашэнка могуць прывесці да непапраўнай трагедыі. Чарнобыль забраў у нашага народа мноствы жыццяў. Лукашэнка, імкнучыся ўтрымаць уладу, хоча адабраць у нас самае дарагое - жыцці нашых дзяцей і мужоў. Просім вас, усімі наяўнымі ў вас сродкамі і магчымасцямі, аказаць процідзеянне планам злачыннага рэжыму, спыніць крывавы тэрор, які можа пачацца ў любую хвіліну».

Іна Кулей
Ірына Лаўроўская
Людміла Ляхновіч
Маргарыта Вялічкіна
Людміла Пеціна
Ніна Стужынская
Ганна Леўчанкава
Наталля Смолікава
Яўгенія Бераснева
Ірына Саранчукова
Юлія Коцкая
Леанарда Мухіна
Аксана Пачобут
Сафія Мажэйка
Арына Вячорка
Святлана Губейка
Святлана Лябедзька
Ларыса Андросік
Надзея Кокаш
Святлана Каралёва
Вольга Лагонская
Таццяна Новікава
Галіна Скараход
Алена Храмцова
Валянціна Кудлацкая
Любоў Жыхар
Ірына Шушкевіч

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international