Свіслач: Мясцовы “вертыкальшчык” пагражае незалежнаму назіральніку

2010 2010-12-19T12:20:06+0200 1970-01-01T03:00:00+0300 be http://spring96.org/files/images/sources/agitatar.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

З раніцы 19 снежня на Гагарынскі выбарчы ўчастак №3 г. Свіслачы з’явіўся прадстаўнік мясцовага райвыканкаму – начальнік аддзелу арганізацыйна-кадравай работы Уладзімір Боўфалік. Паклікаўшы незалежнага назіральніка Анатоля Валюка, ён пагражаў яму “разборкамі” пасля заканчэння выбараў.

Раней грамадска-палітычны актывіст Анатоль Валюк, сябра Партыі БНФ, за апошнія гады неаднаразова пераследаваўся мясцовымі ўладамі, затрымліваўся міліцыяй, некалькі разоў быў засуджаны да адміністратыўнага арышту, яго таксама збівалі невядомыя. І вось новыя пагрозы. Такія паводзіны свіслацкага “вертыкальшчыка” Уладзіміра Боўфаліка выразна сведчаць пра тое, што ўлада зусім адвыкла жыць паводле заканадаўства і цывілізаваных нормаў.

А між тым іншы незалежны назіральнік з Свіслачы Віктар Дзесяцік, сябра Партыі БСДГ, адзначае несупадзенне афіцыйных вынікаў колькасці датэрмінова прагаласаваўшых па Гагарынскім выбарчым участку №3 (328 чалавек) з падлікам назіральнікаў (240 чалавек). Віктар Дзесяцік не сцвярджае пакуль факт фальсіфікацыі, але такое разыходжанне рэзонна падаецца яму вельмі падазроным.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international