Шматдзетная маці з Магілёва Натальля Шкадун спыніла галадоўку

2010 2010-12-18T13:34:00+0200 1970-01-01T03:00:00+0300 be

Доўжылася яна восем сутак. Жанчына дамагалася ад улады паляпшэньня жыльлёвых умоваў для сваёй сям’і. Цяпер у трохпакаёвай кватэры памерам 63 квадратныя мэтры жыве дзевяць чалавек. Яна патрабуе выдзеліць ёй дзьве кватэры плошчай 120 квадратных мэтраў.

Натальлі Шкадун гарвыканкам прапанаваў варыянты вырашэньня жыльлёвай праблемы. Яна выбрала найбольш прыдатныя для сям’і.

“Тых кватэраў я яшчэ ня бачыла. Увосень мне прапаноўвалі іх, аднак тады я не змагла патрапіць у дом, бо не было да яго як прайсьці. Здаюць гэты дом у канцы першага кварталу 2011 году. Я ж вырашыла спыніць галадоўку, бо зразумела, што зь дзяржаўнай сыстэмай змагацца бессэнсоўна. Кожны чыноўнік бароніць другога чыноўніка. Буду выходзіць з галадоўкі. Заўтра пайду назіральніцай на выбарчы ўчастак. Для гэтага патрэбныя сілы”.

Галадоўку Натальля Шкадун распачала 9 сьнежня. Палепшыць жыльлёвыя ўмовы яна намагаецца адзінаццаць гадоў.

Натальля Шкадун мае ордэн Маці й пасьведчаньне шматдзетнай сям’і. У яе пяцёра дзяцей, чацьвёра зь іх — непаўналетнія.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international