Жодзіна: Назіральнікаў размясцілі ў калідоры (фота)

На выбарчым участку №12 (знаходзіцца ў СШ №8) камісія размясціла назіральнікаў у калідоры, адкуль проста немагчыма было бачыць, як адбываецца працэс галасавання.

Першая спроба назіральнікаў адстаяць свае правы была безвыніковай. Пасля напісання заявы і складання шэрагу актаў старшыня камісіі сп.Зыль папярэдзіў аднаго з назіральнікаў (А.Леўшыка), што выдаліць яго з участку. Да таго ж назіральнікам забаранілі нават падымацца з месцаў. Так працягвалася два першыя дні датэрміновага галасавання, і толькі на трэці сітуацыя змянілася пасля чарговай скаргі і тэлефанавання ў гарадскую камісію. Назіральнікаў нарэшце перасадзілі з калідору і нават пачалі даваць ім інфармацыю.

“Праваабаронцы за свабодныя выбары”