Жодзіна: На назіральнікаў аказваецца ціск па месцах працы

Пра тое, што назіральнікаў з Жодзіна Андрэя Зубру, Святлану Лапіцкую і Сяргея Салаўёва тэрмінова адклікалі на працоўныя месцы пасля іх рэгістрацыі на ўчастках у першы дзень датэрміновага галасавання, “Праваабаронцы за свабодныя выбары” ўжо паведамлялі. 

Тэндэнцыя абмежавання магчымасцяў назіраць за выбарчым працэсам працягнулася і ў наступныя дні. 15 снежня дырэктар жодзінскага хлебазаводу Алег Забароўкі выклікаў да сябе супрацоўніка гэтага прадпрыемства Іллю Хоміча, які зарэгістраваны назіральнікам на ўчастку для галасавання №10. Размова дырэктара з падначаленым была звязаная з ягонай працай назіральнікам і магчымымі праблемамі падаўжэння і змены ўмоваў працоўнага кантракту.

“Праваабаронцы за свабодныя выбары”