У Абухаве ўчастковая камісія не ведае выбарчага заканадаўства

Грубае парушэнне заканадаўства здарылася 16 снежня на Абухаўскім выбарчым участку №24 (Гродзенскі раён). Участковая камісія, старшынёй якой з’яўляецца Анатоль Шніпко, унесла ў спіс выбаршчыкаў і выдала выбарчыя бюлетэні дзвюм грамадзянкам (Любоў Павядайка і Тацяна Іванчык), якія не мелі права галасаваць на гэтым участку, паколькі зарэгістраваныя ў іншым населеным пункце і павінны галасаваць у іншым месцы.

Незалежная назіральніца Галіна Дзербыш звярнула на гэта ўвагу камісіі, але яе не захацелі слухаць. Назіральніца напісала адпаведную заяву ў Гродзенскую раённую камісію.    

“Праваабаронцы за свабодныя выбары”