На распаўсюд агітпаштовак Лукашэнкі быў загад (копія дакумента)

2010 2010-12-16T15:32:34+0200 1970-01-01T03:00:00+0300 be http://spring96.org/files/images/sources/pashtouka-agitka.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

“Праваабаронцы за свабодныя выбары” атрымалі дакументальнае пацверджанне таго, што работнікі РУП “Белпошта” ўдзельнічаюць у агітацыі за дзейнага прэзідэнта Аляксандра Лукашэнку ў працоўны час.  

Да 15 снежня работнікі РУП “Белпошта” павінны былі раскідаць па паштовых скрынях жыхароў Беларусі 1 млн агітацыйных паштовак кандыдата ў прэзідэнты - дзейнага кіраўніка краіны Аляксандра Лукашэнкі. Гэта вынікае з распараджэння ад 10 снежня 2010 года, дасланага ў Мазырскую філію РУП “Белпошта”, падпісанага намеснікам начальніка Таццянай Віктараўнай Маскалёвай.

У шапцы да дакумента стаіць надпіс: “Всем ОН”.

“В ваш адрес во вторник [14 снежня – удакладненне рэд.] поступят листовки по выборам, согласно разнорядки Гомельского филиала РУП «Белпочта». За 14-15 января (не позже) разнести листовки по абонентским ящикам [тут яўная ці наўмысная памылка ў месяцы - маецца на ўвазе снежань]”, - паведамляецца ў распараджэнні. Далей вельмі строга: “Всем отнестись очень ответственно, чтобы ни в коем случае не остались в сумках почтальонов или в каком-нибудь другом месте”.

У распараджэнні гаворыцца, каб начальнікі паштовых аддзяленняў Мазырскага раёна РУП “Белпошта” ўзялі гэта пад уласны кантроль і 15 снежня паведамілі па тэлефоне асабіста Таццяне Віктараўне Маскалёвай - “отчитаться о проделанной работе”.

У распараджэнні не згадваецца імя кандытата (кандыдатаў) ў прэзідэнты, чые ўлёткі павінны разнесці паштальёны.

Аднак менавіта паштоўкі за дзейнага прэзідэнта 14-15 снежня знайшлі ў сваіх скрынях не толькі жыхары Мазырскара раёна, але і ўсёй краіны. На паштоўцы ёсць надпіс “Будущее в наших руках” і аўтограф Лукашэнкі, а на адваротным баку напісана “Вместе мы добъёмся большего”. Наклад паштоўкі складае 1 мільён асобнікаў.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international