На Гарадзеншчыне працягваюцца затрыманьні і ператрусы

2006 2006-03-17T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Учорашнія ператрусы ў мястэчку Луна Мастоўскага раёну не былі апошнімі. Таксама ў Луне акрамя дамоў Лявона Карповіча і Аляксандра Пудаўкіна, крыху пазьней быў праведзены вобшук у хаце Уладзіміра Брыцько, сябра Кансэрватыўна Хрысьціянскай Партыі БНФ і Асьветніцкага Грамадзкага Аб’яднаньня "Фонд імя Льва Сапегі". А сёньня, ў гэтыя хвіліны, адбываецца ператрус у Шчучыне. Яго праводзяць на працоўным месцы мясцовага лекара Васіля Бязьмена, які зьяўляецца актыўным удзельнікам выбарчай кампаніі каманды Аляксандра Мілінкевіча. Жонка Бязьмена перакананая, што гэты ператрус зьвязаны з крымінальнай справай, якая была распачата супраць яшчэ аднаго актывіста выбарчай кампаніі Сяргея Ляшкевіча. Апошні, пакуль ідзе "сьледзтва", быў арыштаваны на тры месяцы.
Сёньня ж у Гародні будуць судзіць затрыманых учора Яўгена Лясоцкага, сябра рады Гарадзенскай арганізацыі БНФ і Артура Сьмятаніна, сябра Гарадзенскай арганізацыі АГП. Абодва, згодна адпрацаванай схемы, напэўна атрымаюць па некалькі сутак адміністрацыйнага арышту за нібыта дробнае хуліганства.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international