Драгічын: Лямпачкі не вытрымалі агітацыі

У Доме культуры горада Драгічын Брэсцкай вобласці 14 снежня адбылася сустрэча даверанай асобы А.Лукашэнкі - губернатара Брэсцкай вобласці Канстанціна Сумара з работнікамі бюджэтнай сферы.

Сустрэча прайшла б гладка і роўна, каб раптоўна не прапала асвятленне. Нягледзячы на тое, што электрычнасці не было ўсяго хвілін 10, гэты інцыдэнт каштаваў мясцоваму кіраўніцтву нерваў. А калі асвятленне з’явілася, старшыня Драгічынскага райвыканкама  Васіль Хвацік не вытрымаў і закрычаў, што гэта правакацыя. І папярэдзіў, каб адказныя таварышы рыхтаваліся да пакарання.

Сустрэча скончылася прызывам Сумара галасаваць за Лукашэнку, таму што ўсё тое, што мы зараз маем  - выключна яго заслуга.

 “Праваабаронцы за свабодныя выбары