Магілёў: Падчас пасяджэння камісіі назіральніка выставілі за дзверы

Падчас правядзення пасяджэння ўчастковай выбарчай камісіяй №60, што размешчана ў Магілёўскім цэнтры дзіцячай творчасці (былы Палац піянераў вобласці) назіральніка папрасілі пакінуць памяшканне. Пасля пасяджэння камісіі ён вярнуўся на сваё месца. Пра гэта паведамляе праваабаронца Барыс Бухель.

“Камісіі паводле заканадаўства павінна працаваць адкрыта і галосна, выдаляць назіральніка з памяшкання ніхто не меў права – гэта парушэнне заканадаўства. Няведанне таго, што абмяркоўвалі члены камісіі, наводзіць на дрэнныя думкі, бо невядома пра што яны там размаўлялі, можа пра фальсіфікацую выбараў, можа пра падтасоўкі, а можа проста вырашалі звычайнае тэхнічнае пытанне”, - гаворыць Барыс Бухель.

 “Праваабаронцы за свабодныя выбары”