Гродна: Старшыня камісіі пагражае выдаліць назіральнікаў

У Гродне на ўчастку №4 Ленінскага раёну, што размешчаны ў Гродзенскім абласным Палацы дзіцяча-юнацкай творчасці, старшыня камісіі зрабіла папярэджанне і пагражала незалежным назіральнікам Людміле Сцярніцкай і Раману Бараноўскаму выдаліць іх з выбарчага ўчастка. Прычынай гэтага канфлікту стала наступнае – старшыні камісіі не спадабалася, што незалежныя назіральнікі робяць падлік прыйшоўшых на ўчастак выбаршчыкаў.

Незалежныя назіральнікі палічылі такія паводзіны старшыні камісіі незаконнымі, Раман Бараноўскі напісаў па гэтым факце адпаведную заяву ў ЦВК. 

“Праваабаронцы за свабодныя выбары”