У БДУ плануецца масавае выключэньне студэнтаў – агітатараў за альтэрнатыўных кандыдатаў

Як стала вядома Праваабарончаму цэнтру Вясна ад студэнтаў гістафака, 15 сакавіка быў затрыманы першакурсьнік Павел Дарохін, які распаўсюджваў агітацыйныя улёткі аднаго з альтэрнатыўных кандыдатаў. Паўла Дарохіна затрымалі асобы ў цывільным і даставілі ў дэканат. У дэканаце на першакурсьніка быў аказаны ціск, яго прымусілі скласьці сьпіс з прозьвішчамі іншых студэнтаў, якія маюць дачыненьне да распаўсюда агітацыйных матэрыялаў. Малады чалавек сьпіс склаў. Цяпер, па словах студэнтаў, у БДУ плануецца масавая “зачыстка” з магчымым выключэньнем актывістаў агітацыйнай кампаніі.