Затрыманага кіраўніка Брэсцкага абласнога Штаба А.Мілінкевіча Юрася Губарэвiча адпусьцілі з Ленiнскага РАУС

Як стала вядома, Юрась Губарэвiч адпушчаны з Ленiнскага РАУС, куды ён быў дастаўлены 15 сакавiка каля гадзiны на падставе парушэння iм правiлаў дарожнага руху. Удакладняючы акалiчнасцi затрымання, кiраўнiк Берасцейскага абласнога выбарчага штабу А. Мiлiнкевiча паведамiў, што ў Ленiнскiм РАУС супрацоўнiкi мiлiцыi спрабавалi выхапiць з яго рук дыктафон, правакавалi на тое, каб Ю. Губарэвiч пачаў размахваць рукамi, а г.з. аказваць непадпарадкаванне праваахоўным органам, якое караецца артыкулам Кодэксу аб адмiнiстратыўных правапарушэннях.

Юрась Губарэвiч лiчыць, што ён быў вызвалены дзякуючы прысутнасцi ў РАУС прадстаўнiкоў мiсii АБСЕ, якiя былi непасрэднымi сведкамi таго, што ў яго паводзiнах не было саставу адмiнiстратыўнага правапарушэння.

P.S. Кiраўнiк абласнога штабу не адмаўляе далейшых правакацыяў у яго бок.