Мінск: Нападніка на давераную асобу Рымашэўскага так і не асудзілі

2010 2010-12-13T17:40:27+0200 1970-01-01T03:00:00+0300 be http://spring96.org/files/images/sources/slonim-rumash-uletki-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Хулігана, які зрываў агітацыйныя плакаты ў дазволеных для іх размяшчэння месцах і спрабаваў збіць давераную асобу Рымашэўскага -- Валерыю Чарнаморцаву, затрымалі больш за тыдзень таму, але суда над ім так і не адбылося. Саму пацярпелую за гэты час не толькі не запрасілі ў суд Савецкага раёна сталіцы, які павінен разглядаць справу, але і хаваюць ад яе прозвішча нападніка.

Як паведамляў раней сайт БХД, 3 снежня невядомы напаў на давераную асобу кандыдата Валерыю Чарнаморцаву, якая наклейвала агітацыйныя плакаты ў раёне вуліц Сурганава – Багдановіча. Хуліган спрабаваў ударыць актывістку, якая ў адказ выклікала міліцыю. Хуліган быў затрыманы.

“Складаў пратакол на гэтага чалавека супрацоўнік Савецкага РУУС Мінска Марцінкоўскі Ігар Мікалаевіч. – Ён паабяцаў мне тады, у пятніцу, што літаральна ў панядзелак ці аўторак адбудзецца судовы разгляд здарэння. Аднак колькі я ні тэлефанавала ў РУУС, мне кожны раз адказвалі, што суд пераносіцца альбо што суразмоўца нічога пэўнага не ведае”. Па словах спадарыні Валерыі, апошнімі днямі дазваніцца да Ігара Марцінкоўскага і ягонага кіраўніцтва стала ўвогуле немагчыма. Пацярпелая не выключае, што міліцыянты хаваюцца, не жадаючы браць на сябе адказнасць, бо справа наўпрост датычыцца палітыкі.

У той жа час, кажа В.Чарнаморцава, у Савецкім раёне Мінска і далей назіраюцца выпадкі знішчэння агітматэрыялаў невядомымі ў цывільным. Акрамя затрыманага І.Марцінкоўскім, ніводзін з гэтых парушальнікаў не быў схоплены за руку. “У мяне складаецца ўражанне, што над знішчэннем агітацыі апазіцыйных кандыдатаў працуюць адмыслова прызначаныя людзі, і адзін з іх і спрабаваў напасці на мяне, -- гаворыць спадарыня Валерыя. – Калі гэта так, то тады становіцца зразумела, чаму міліцыя хавае яго ад суда. Мы не можам дабіцца справядлівасці”. На яе думку, затрыманы, “відавочна, быў адпушчаны і працягвае займацца сваёй справай, бо ніводнага вывешанага ў акрузе агітматэрыялу не засталося”. Актывістка абураная тым, што міліцыянты нават не назвалі ёй нават прозвішча хулігана пры затрыманні, нягледзячы на яе патрабаванне.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international