Радашковічы: Не прагаласуеш датэрмінова – развітвайся з працай

Кіраўніцтва Радашковіцкага керамічнага заводу правяло агульны сход, дзе абвясціла падначаленым, што датэрміновае галасаванне для кожнага з’яўляецца абавязковым. Таго, хто знойдзе прычыну не галасаваць з 14 па 18 снежня ўключна, пагражаюць нядопускам да працоўнага месца і неатрыманнем у канцы года прэміі.

Пра гэта паведамілі самі супрацоўнікі керамічнага завода, што ў Радашковічах, пагадзіўшыся размаўляць толькі на ўмовах ананімнасці. Дарэчы, менавіта ў гэтым гарадскім пасёлку, пры ўсёй яго чысціні і добраўпарадкаванасці, беспрацоўе ў апошнія гады стала адным з найбольш высокіх па Мінскай вобласці. Частка жыхароў вымушана ездзіць на працу ў Мінск за 40 кіламетраў альбо ў яго бліжэйшае наваколле. Практычная немагчымасць альтэрнатыўнага працаўладкавання на месцы і прымушае супрацоўнікаў керамічнага завода, аднаго з галоўных прадпрыемстваў у радашковічах, трымацца за працоўныя месцы. “Цяпер мы загнаныя ў кут, што будзем рабіць, пакуль не вырашылі”, -- прызнаюцца працаўнікі.      

“Правабаронцы за свабодныя выбары”