У Гародні затрымалі грамадскага актывіста Міколу Лемяноўскага.

Ён пасьпеў набраць з мабільнага тэлефону нумар карэспандэнта Радыё Свабода, і той змог пачуць як гэта адбывалася. Міліцыянты настойліва патрабавалі, каб спадар Лемяноўскі сеў у іхнюю машыну, прычым яны няслушна называлі ягоныя імя і імя па бацьку. Самі міліцыянты не прадстаўляліся і не тлумачылі прычыны затрыманьня. Яны толькі сказалі, што яго даставяць ў Кастрычніцкі РАУС.