Аршанская гарадская камісія вярнулася ў будынак гарвыканкама

“Праваабаронцы за свабодныя выбары” паведамлялі, што ў кастрычніку гарадская камісія па выбарах у Оршы пераехала з будынка гарвыканкама ў іншае памяшканне. Як паведамлялі ў самой камісіі, зроблена гэта было з мэтай захавання незалежнасці працы камісіі.

Верагодна, у гэтай незалежнасці неабходнасць адпала. Інакш як растлумачыць, што паседжанне гарадской камісіі 11 снежня адбылося ў памяшканні гарвыканкама. Туды ж, у выканкамаўскія кабінеты, быў дастаўлены ўвесь наклад бюлетэняў для галасавання па выбарах прэзідэнта.

На сваім паседжанні камісія размеркавала паступіўшыя бюлетэні па ўчастковых камісіях. Што цікава - пасля размеркавання бюлетэняў больш за 2000 з іх аказаліся лішнімі. Іх пакінулі ў гарадской камісіі “на ўсялякі выпадак”.

“Праваабаронцы за свабодныя выбары”