Салігорск: Павышаная ўвага міліцыі да сустрэчы са Статкевічам і Усам

2010 2010-12-11T13:06:00+0200 1970-01-01T03:00:00+0300 be http://spring96.org/files/images/sources/saligorsk-sustr-stat-5.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

10 снежня ў зале гарадскога Палаца культуры адбылася сустрэча кандыдатаў у прэзідэнты Мікалая Статкевіча і Дзмітрыя Уса з жыхарамі Салігорска. Нягледзячы на пэўныя складанасці пры распаўсюдзе інфармацыі аб прыездзе кандыдатаў, ў зале сабралася больш за тры сотні чалавек.

Мерапрыемства праходзіла ў спакойнай абстаноўцы і доўжылася каля дзвюх гадзін. Тым не менш, у адрозненне ад ранейшых сустрэч з кандыдатамі Яраславам Раманчуком і Андрэем Саннікавым, назіралася павышаная ўвага да гэтай падзеі з боку праваахоўных органаў. Гэта выяўлялася ў большай колькасці супрацоўнікаў міліцыі ў форме і прадстаўнікоў спецслужб у цывільным.

За некалькі хвілін да з'яўлення ў зале кандыдатаў адбыўся непрыемны інцыдэнт. Да праваабаронцы з Беларускага Хельсінскага камітэту Аляксея Валабуева, які наладжваў фотаапаратуру і рабіў тэставыя здымкі, падышоў афіцэр Салігорскага РАУС Кругленя і ва ўльтыматыўнай форме запатрабаваў выйсці разам з ім з залы "для гутаркі". Атрымаўшы адмову на незаконнае патрабаванне, супрацоўнік міліцыі настойліва папрасіў выдаліць некалькі зробленых фотаздымкаў. Не дабіўшыся ад праваабаронцы запатрабаванага, афіцэр сышоў. 

На думку Аляксея Валабуева, павышаная ўвага з боку ўладаў да сустрэчы кандыдатаў была выклікана вельмі крытычнай і рашучай пазіцыяй Мікалая Статкевіча ў дачыненні да цяперашняга палітычнага рэжыму. Падвойную колькасць прадстаўнікоў сілавых ведамстваў магла выклікаць таксама і прысутнасць двух кандыдатаў на гэтай сустрэчы.

Напрыканцы адзначым, што за ходам сустрэчы вялі назіранне прадстаўнікі місіі БДІПЧ АБСЕ.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international