Яраслаў Раманчук трапіў у аўтакатастрофу

2010 2010-12-11T09:00:00+0200 1970-01-01T03:00:00+0300 be

Аўтамабіль «Фальксваген Гольф», у якім палітык і тры члены яго каманды ехалі на сустрэчу з выбаршчыкамі ў Рагачоў (Гомельская вобласць), сутыкнуўся з іншай легкавой аўтамашынай.

Гэта адбылося 11 снежня прыкладна ў 9.55 на 60-м кіламетры трасы Гомель — Мінск, каля павароту на Буда-Кашалёва. Аўтамабіль «Аўдзі А3», які стаяў на абочыне,

пачаў нечакана выконваць разварот і выехаў на праезную частку, на паласу, па якой, захоўваючы хуткасны рэжым, рухаўся «Фальксваген».

У той момант паміж машынамі заставалася адлегласць прыблізна 10 метраў. Вадзіцель «Фальксвагена» Іван Лабачоў пачаў рэзкае тармажэнне, але аварыі пазбегнуць не ўдалося — машына ўдарылася ў левы бок «Аўдзі».

Спрацавалі падушкі бяспекі, дзякуючы якім вадзіцель і пасажыры «Фальксвагена» атрымалі толькі ўдары і драпіны.

Паводле звестак БелаПАН, у Яраслава Раманчука драпіны на нагах і падбародку, член яго выбарчага штаба Захар Міхалкін таксама без сур’ёзных пашкоджанняў. Вадзіцель Іван Лабачоў і Леанід Заіка — вядомы беларускі эканаміст, давераная асоба Раманчука — атрымалі ўдары грудной клеткі, яны маюць намер найбліжэйшым часам звярнуцца да дактароў.

«Фальксваген» атрымаў моцныя пашкоджанні, поўнасцю разбіта яго пярэдняя частка.

У «Аўдзі А3» пашкоджаны левы бок, стойка моцна дэфармавана.

У гэтай машыне знаходзіліся два чалавекі — сяржант міліцыі Павел Хранькоў, не ў міліцэйскай форме,

і жанчына, паводле папярэдняй інфармацыі, яго сваячка. Яны таксама сур’ёзна не пацярпелі.

Павел Хранькоў прынёс прабачэнні за створаную ім аварыйную сітуацыю. У

Яраслава Раманчука і членаў яго каманды стварылася ўражанне, што аварыя не была падстроена, Хранькоў не дзейнічаў зламысна.

«Мы ехалі з сонечнага боку, — расказаў БелаПАН Леанід Заіка. — Відавочна, ад яркага сонца вадзіцель «Аўдзі» нас і не ўбачыў».

Міліцыя і хуткая дапамога прыбылі на месца здарэння прыкладна праз 40 хвілін пасля аўтаварыі.

Вадзіцель «Фальксвагена» Іван Лабачоў застаўся каля свайго аўтамабіля, чакаючы эвакуатар, а Раманчук, Заіка і Міхалкін выехалі ў Рагачоў на машыне, якую за імі прыслалі актывісты АГП з Рагачова. Паводле апошніх звестак, у раённы цэнтр яны ўжо паспяхова дабраліся, прыблізна ў 12.00 там пачалася сустрэча з мясцовымі выбаршчыкамі.

«Не думаю, што гэта аўтакатастрофа была падстроена,

 — сказаў у гутарцы з карэспандэнтам БелаПАН Яраслаў Раманчук. — У любым выпадку, я працягваю выбарчую кампанію, падчас якой я і мая каманда ставім задачу паціснуць руку мільёну выбаршчыкаў. Добра, што нашы рукі не пацярпелі».

Перад самой аварыяй, знаходзячыся ў аўтамабілі па дарозе ў Рагачоў, Раманчук рабіў на ноўтбуку чарговы запіс у сваім інтэрнэт-дзённіку, які ён вядзе спецыяльна для інтэрнэт-газеты Naviny.by («Белорусские новости»). Найбліжэйшым часам ён больш падрабязна апіша абставіны здарэння і ўсё, што ім спадарожнічала.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international