Бабруйск: Каманда Рымашэўскага наладзіла штодзённыя сустрэчы з выбаршчыкамі
Таісія Кабанчук, сябра ініцыятыўнай групы Віталя Рымашэўскага
Штодзённыя сустрэчы з даверанымі асобамі кандыдата Віталя Рымашэўскага праходзяць у Цэнтры творчасці дзяцей і моладзі.
- Гэта была выключна наша, бабруйскай каманды, ініцыятыва, - распавядае Таісія Кабанчук, давераная асоба Віталя Рымашэўскага. – Мы плануем іх праводзіць да 18 снежня, па дзве гадзіны ў дзень – з 17.00 да 19.00. За пару дзён, у якія мы ладзілі гэтыя сустрэчы, да нас далучылася некалькі чалавек. Людзі не толькі прыходзяць паразмаўляць, але і выказваюць жаданне ўвайсці ў склад БХД.
Запрашэнне на сустрэчы можна ўбачыць у газеце “Коммерческий курьер”, якая мае самы вялікі наклад у горадзе.
- Гэтая аб’ява далася нам не лёгка, - працягвае распавядаць Таісія Кабанчук. – Я дні тры хадзіла ў рэдакцыю, і яны кожны дзень знаходзілі нейкія замарочкі, каб мне адмовіць. І толькі калі гэтай сітуацыяй зацікавіліся прадстаўнікі АБСЕ, аб’яву ў “КК” размясцілі. Што тычыцца пікетаў, то мы іх не ладзім, а замест гэтага ў шматлюдных кропках горада раздаем агітацыйныя матэрыялы. Плануем таксама зрабіць вялікую расцяжку, бо з ёй прасцей перасоўвацца па горадзе, і нас будзе бачна здалёк.
“Праваабаронцы за свабодныя выбары”
