Мінчан павіншавалі з Міжнародным днём правоў чалавека
Некалькі тысяч тэкстаў Усеагульнай дэкларацыі правоў чалавека раздалі мінакам удзельнікі акцыі, прысвечанай Міжнароднаму дню правоў чалавека. Акцыю правялі праваабаронцы і актывісты моладзевых рухаў у цэнтры сталіцы 10 снежня, у дзень, калі Арганізацыя Аб’яднаных Нацый прыняла Ўсеагульную дэкларацыю чалавека.
Усеагульная Дэкларацыя складаецца з 30 артыкулаў, якія даюць азначэнні правам чалавека. З прыняццем Дэкларацыі правы чалавека сталі часткай міжнароднага публічнага права і глабальнай канцэпцыяй. Упершыню ў гісторыі былі распрацаваны міжнародныя правілы, якія апісваюць тое, як дзяржавы павінны ставіцца да сваіх грамадзян. Беларусь тады, у 1948 годзе ўстрымалася ад падпісання гэтага дакумента.
Праваабаронцы віншавалі жыхароў Менску і тлумачылі сэнс палажэньняў Усеагульнай дэкларацыі, значэньне гэтага дакумента для грамадства. Разам з дэкларацыяй былі раздадзеныя і каляровыя буклеты кампаніі “Праваабаронцы супраць смяротнага пакарання ў Беларусі”.
Акцыя была прыхільна сустрэтая грамадзянамі і прайшла без затрыманьняў.
