Бяроза: Давераныя асобы Някляева ўпрыгожылі елку агітацыйнымі матэрыяламі (фота)
На Бярозаўчане чакалі кандыдата ў прэзідэнты Уладзіміра Някляева, але сустрэчу з выбаршчыкамі правялі давераныя асобы -- былы міністр сельскай гаспадаркі Васіль Лявонаў і давераная асоба па Брэсцкай вобласці Ганна Канюс.
Васіль Лявонаў наведаў раённую выбарчую камісю, дзе сустрэўся з старшынёй камісіі Аляксандрам Неліповічам, які заверыў, што выбары будуць праведзены сумленна, без фальсіфікацый.
Прадстаўнікі кандыдата Някляева правялі дзве сустрэчы з жыхарамі Бярозы -- у Камсамольскім скверы ля Вечнага агню і на гарадскім рынку.
На першай сустрэчы сабралася звыш 200 чалавек: як прыхільнікаў дэмакратаў, так і прыхільнікаў Лукашэнкі, таму дыскусія адбывалася вельмі бурна. Жанчыну і мужчыну, якія пачалі скандзіраваць: “Лукашэнку, Лукашэнку!” самі ўдзельнікі хутка ўціхамірылі. Сустрэча праходзіла пад пільным вокам супрацоўнікаў КДБ.
Пасля гэтага давераныя асобы сустрэліся з прадпрымальнікамі і іншымі выбаршчыкамі на рынку. На развітанне яны ўстанавілі елку ля рынка і упрыгожылі яе не толькі цацкамі, але і агітацыйнымі буклетамі кандыдата Някляева.
“Праваабаронцы за свабодныя выбары”
