Брэст: На Рымашэўскага «няма эфірнага часу»
Як паведаміў Зміцер Шурхай, давераная асоба кандыдата ў прэзідэнты Віталя Рымашэўскага, 8 снежня з тэлеканалам «Буг-ТБ» быў падпісаны дагавор аб рэкламе маючай адбыцца на наступным тыдні сустрэчы гэтага прэтэндэнта з выбаршчыкамі Брэстчыны. Меркавалася, што рэклама будзе размешчана ў інфармацыйным блоку тэлеканала.
Аднак раніцай 9 снежня Дзмітрыю Шурхаю патэлефанавалі з «Буг-ТВ» і паведамілі, што дамова анулюецца, паколькі для падобнай рэкламы «няма эфірнага часу». На думку даверанай асобы кандыдата, мяркуючы па ўсім, пра такі дагавор стала вядома кіраўніцтву канала і яно вырашыла перастрахавацца.
Сустрэча Віталя Рымашэўскага з брэсцкімі выбаршчыкамі запланавана на 14 снежня ў абласным Палацы культуры прафсаюзаў.
«Праваабаронцы за свабодныя выбары»
