Шведскаму праваабаронцу адмовілі ў візе

2010 2010-12-09T23:28:00+0200 1970-01-01T03:00:00+0300 be http://spring96.org/files/images/sources/marcin_uhla.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Марцін Угла, старшыня швецкай праваабарончай арганізацыі Östgruppen (фота svaboda.org)

Марцін Угла, старшыня швецкай праваабарончай арганізацыі Östgruppen (фота svaboda.org)

Амбасада Рэспублікі Беларусь у Стакгольме адмовіла ў візе Марціну Углу - старшыні шведскай праваабарончай арганізацыі Östgruppen. Афіцыйнай матывацыі такога рашэння праваабаронца ад беларускай амбасады не атрымаў.

- Відавочна, што мяне хочуць пакараць за тое, што я крытыкаваў тыя парушэнні правоў чалавека, якія беларуская ўлада рэгулярна ўчыняе, - лічыць Марцін Угла.

Беларусь – прыярытэтная краіна ў дзейнасці Östgruppen. Арганізацыя мае шырокія кантакты з беларускім дэмакратычным рухам і шмат гадоў супрацоўнічае з вядучымі праваабарончымі арганізацыямі Беларусі.

Гэта ўжо чацвёртая адмова ў візе ў Беларусь для Марціна Углы, апошні раз ён змог наведаць нашу краіну ў чэрвені 2006 года.

- Рашэнне амбасады дакладна адлюстроўвае, што прыгожыя словы беларускіх уладаў пра лібералізацыю і імкненне да дэмакратызацыі з’яўляюцца пустымі. Яно таксама паказывае, што ўлада баіцца публічнай крытыкі з-за мяжы, - кажа Марцін Угла. – Але я не збіраюся зніжаць свой голас. Калі парушаюцца правы чалавека, пра гэта трэба паведаміць і асудзіць бескампрамісна. Калі не рабіць гэтага - гэта была б здрада тым людям, якія падвяргаюцца рэпрэсіям у Беларусі.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international