У Кастрычніцкім раёне Віцебска адмаўляюцца размяшчаць улеткі Статкевіча і Уса

Дзве скаргі ў абласную выбарчую камісію накіравалі давераныя асобы кандыдатаў Аляксей Гаўруцікаў і Алена Фаміна. Яны пішуць, што ўчатковыя камісіі адмаўляюцца размяшчаць інфармацыйныя матэрыялы пра кандыдатаў Мікалая Статкевіча і Дзмітрыя Уса.

У заяве Алены Фаміной гаворыцца, што ўчастковыя камісіі спачылаюцца на распараджэнне тэрытарыяльнай камісіі Кастрычніцкага раёну Віцебска.

Аляксей Гаўруцікаў піша, што інфармаваў пра сітуацыю старшыню тэрытарыяльнай камісіі У.Крукоўскага. Аднак і пасля гэтага нічога не змянілася: спасылаючыся на забарону, участковыя камісіі па-ранейшаму  не размяшчаюць агітатацыйныя матэрыялы.

Абодва заяўнікі патрабуюць, каб абласная выбарчая камісія дала ацэнку дзеянням тэрытарыяльнай камісіі і  паспрыяла забеспячэнню выканання выбарчага заканадаўства.

“Праваабаронцы за свабодныя выбары”