Давераная асоба А.Мілінкевіча Сяргей Мальчык і ягоны калега па штабе Віктар Сазонаў да заўтра будуць знаходзіцца у ізалятары часовага утрыманьня

Спадароў Мальчыка і Сазонава затрымалі сёньня і даставілі ў Ленінскі РАУС.
Спачатку на іх нібыта зьбіраліся скласьці пратакол аб распаўсюдзе ўлётак Аляксандра Мілінкевіча без выходных дадзеных, але насамрэч пратакол на затрыманых удзельнікаў штабу быў складзены аб дробным хуліганстве - за нецэнзурную лаянку. Заўтра іх завязуць у Ленінскі раённы суд Горадні.

Нагадаем, што па такім самым артыкуле КаАП сёньня быў асуджаны ў Горадні Максім Губарэвіч з каманды адзінага кандыдата на сем сутак адміністратыўнага арышту.