Слонім: Агітацыйным плакатам абвешчана вайна

2010 2010-12-08T11:05:52+0200 1970-01-01T03:00:00+0300 be http://spring96.org/files/images/sources/zabarona1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Слонімскія актывісты БХД і Партыі БНФ звярнуліся з заявамі ў Слонімскі РАУС і Слонімскую раённую выбарчую камісію з нагоды таго, што па ўсім горадзе ідзе проста ашалелая вайна супраць размяшчэння плакатаў альтэрнатыўных кандыдатаў. Гэта датычыць у першую чаргу тых месцаў, дзе дазволена іх размяшчаць згодна з рашэннем Слонімскага райвыканкама ад 22 лістапада 2010 года № 967.

Толькі ў аўторак, 7 снежня, дырэктар гандлёвага дома “Престиж” Галіна Казялецкая сарвала ў краме плакаты Рыгора Кастусёва. Актывіст партыі Іван Шэга сказаў, што калі ён балатаваўся ў мясцовыя Саветы, гэтая ж самая спадарыня Казялецкая зрывала і ягоныя плакаты.

Загадчыца аптэкі № 5 на Чырвонаармейскай вуліцы таксама сарвала і выкінула плакаты Рыгора Кастусёва.

Не захацела вывесіць агітацыйныя матэрыялы Віталя Рымашэўскага загадчыца дзіцячай раённай паліклінікі Людміла Дзягель. Яна сказала, што ёй забараніў намеснік галоўнага ўрача бальніцы Ігар Калінічаў, а яна яму падпарадкоўваецца.

Загадчыца Слонімскай цэнтральнай бібліятэчнай сістэмы Ларыса Рэпінская паведаміла, што яна сама павесіць плакаты Віталя Рымашэўскага ў бібліятэках горада. Але прайшло некалькі дзён, а плакаты так і не вывешаны, а ляжаць у яе кабінеце.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international