Быхаў: Упершыню выстаўлены агітацыйны пікет

2010 2010-12-02T18:07:08+0200 1970-01-01T03:00:00+0300 be http://spring96.org/files/images/sources/byhau.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёння ў горадзе Быхаве Магілёўскай вобласці быў упершыню выстаўлены агітацыйны пікет у падтрымку кандыдата ў прэзідэнты Рэспублікі Беларусь Уладзіміра Някляева. Пра гэта паведаміў Пётр Мігурскі, давераная асоба кандыдата.

- Сёння мы ўпершыню выставілі пікет у падтрымку нашага кандыдата Уладзіміра Някляева ў горадзе каля рэстарана “Днепр”. Гэта месца дазволена, згодна з рашэннем Быхаўскага райвыканкама, для правядзення масавых мерапрыемстваў, якія арганізуюць кандыдаты ў прэзідэнты і іх давераныя асобы. Людзей падыходзіла даволі шмат, цікавіліся нашым кандыдатам, яго біяграфіяй і праграмай. Наогул, для жыхароў Быхава наша з’яўленне было падзеяй, бо прадстаўнікі іншых кандыдатаў у прэзідэнты ніякіх масавых мерапрыемстваў у горадзе пакуль не рабілі, - гаворыць адказная за правядзенне пікету ў горадзе Быхаве Людміла Міткевіч.

Таксама яна паведаміла, што на пастаяннай аснове пікет у падтрымку свайго кандыдата ў Быхаве прыхільнікі Уладзіміра Някляева выстаўляць не плануюць, але да выбараў ён будзе праведзены яшчэ некалькі разоў.

Пётр Мігурскі кажа, што пакуль у Магілёўскай вобласці адчуваецца моцны недахоп агітацыйных матэрыялаў кандыдата ў прэзідэнты Уладзіміра Някляева. Нягледзечы на гэта, ужо з заўтрашняга дня ў вобласці пачне дзейнічаць яшчэ адзін пастаянны пікет у падтрымку Уладзіміра Някляева, які будзе выстаўляцца кожны дзень – у горадзе Клічаве Магілёўскай вобласці. Іншыя кандыдаты ў прэзідэнты ў Клічаве пакуль ніякіх масавых мерапрыемстваў не праводзілі і аб іх планах на гэты конт нічога не вядома.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international