Старшыня Гомельскага аблвыканкама параіў студэнтам “выбіраць таго, каго добра ведаеце”

Старшыня Гомельскага аблвыканкама Аляксандр Якабсон, ён жа давераная асоба кандыдата ў прэзідэнты Аляксандра Лукашэнкі, параіў студэнтам Мазырскага педагагічнага ўніверсітэта “выбіраць таго, каго вы добра ведаеце”.

“Я дастаткова інфармаваны чалавек, маю немалы жыццёвы вопыт і вопыт працы ў органах самакіравання. З кандыдатаў нікога не ведаю, акрамя дзеючага прэзідэнта”, - падзяліўся сваёй “інфармаванасцю” губернатар.

А прэзідэнта ён ахарактарызаваў як “чалавека, які любіць сваю Радзіму, Беларусь, паслядоўна і настойліва адстойвае суверэнітэт дзяржавы”.

“Я, прызначаючы чалавека на высокую пасаду, не пайду на такі крок, калі асабіста добра не ведаю гэтага чалавека. Інакш не пазбегнуць сур'ёзных памылак”, - растлумачыў моладзі сваю матывацыю Якабсон. Таму ён параіў “выбіраць таго, каго добра ведаеце”.

Можа, губернатар асабіста і “добра ведае” прэзідэнта, толькі наўрад ці ведаюць яго студэнты асабіста.

“Праваабаронцы за свабодныя выбары”