Паўла Севярынца сустрэлі правакацыйнымі пытаннямі

2010 2010-12-02T11:39:29+0200 1970-01-01T03:00:00+0300 be http://spring96.org/files/images/sources/seviarynecpaviel.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Павел Севярынец

Павел Севярынец

Павел Севярынец, давераная асоба кандыдата ў Прэзідэнты Віталя Рымашэўскага, сустракаецца з выбаршчыкамі Віцебшчыны. 1 снежня ён выступаў у Глыбокім, Паставах і Міёрах. Дзьве сустрэчы прайшлі адносна спакойна, але ў пастаўскім Доме культуры мясцовыя чыноўнікі паспрабавалі ўчыніць абструкцыю кіраўніку штаба В.Рымашэўскага.

Як распавёў Павел Севярынец, у Паставах на сустрэчу сабралася каля паўсотні чалавек – гэтаксама, як і ў Глыбокім. У Міёрах сустрэча адбывалася вечарам, і таму людзей сабралася болей. Але толькі ў Паставах на агітацыйны сход прыйшлі людзі, якія мэтанакіравана спрабавалі сарваць імпрэзу.

Да прыкладу, супрацоўніца цэнтру пазашкольнай адукацыі заявіла, што настаўнікі цяпер атрымліваюць больш як мільён рублёў заробку, і не трэба іх шкадаваць. Выказванне чыноўніцы выклікала абурэнне прысутных. Але тыя, хто вырашыў наладзіць сварку ў залі, не сунімаліся: слова ўзяў загадчык ідэалагічнага аддзелу. Ён заявіў, што БХД нагадвае яму нейкую падобную структуру ў фашысцкай Германіі, і што не трэба абіраць прэзідэнтам прадстаўніка такой партыі.

Павел Севярынец кажа, што з падобнымі правакацыямі сутыкацца даводзілася і раней, таму ён даўно навучыўся не губляцца ў крытычных сітуацыях. Але выразна відаць, што ў некаторых райцэнтрах на сходы дасылаюць адмыслова падрыхтаваныя “кадры”, каб сустрэчу з апазіцыйным кандыдатам або даверанымі асобамі ператварыць у скандал і не даць магчымасці звычайным цікаўным жыхарам задаць свае пытанні.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international