Пракуратура зноў папярэджвае кандыдатаў

2010 2010-11-25T16:46:30+0200 1970-01-01T03:00:00+0300 be

Калі з боку кандыдатаў у прэзыдэнты Беларусі будуць працягвацца заклікі да несанкцыянаваных акцыяў, "праваахоўныя органы прымуць меры рэагаваньня".
Пра гэта заявіў начальнік упраўленьня Генпракуратуры па наглядзе за выкананьнем заканадаўства і законнасьцю прававых актаў Павал Радзівонаў.
Паводле ягоных слоў, дзеючае ў Менску заканадаўства — "лібэральнае": каб правесьці акцыю, кандыдат у прэзыдэнты мусіць толькі за два дні паведаміць пра свае намеры ў Менгарвыканкам.
Паводле агенцтва БелаПАН, прадстаўнік Генпракуратуры нагадаў, што праводзіць масавыя мерапрыемствы забаронена на Кастрычніцкай плошчы, плошчах Незалежнасьці, Перамогі і Якуба Коласа, у падземных пераходах, у мэтро і на некаторых іншых аб'ектах.
Гэтая забарона, падкрэсьліў Радзівонаў, тычыцца ня толькі 24 лістапада, але і 19 сьнежня.
Прадстаўнік Генпракуратуры паведаміў, што ў Цэнтравыбаркам накіраваны копіі папярэджаньняў пра недапушчальнасьць парушэньня заканадаўства, вынесеных кандыдатам у прэзыдэнты Мікалаю Статкевічу і Віталю Рымашэўскаму.
"Зараз Цэнтравыбаркам вывучыць усе акалічнасьці і можа прыняць рашэньне аб прыцягненьні Статкевіча і Рымашэўскага да адказнасьці", — сказаў Радзівонаў.
Ён ухіліўся ад адказу на пытаньне, ці можна лічыць удзельнікам несанкцыянаванай масавай акцыі кандыдата ў прэзыдэнты Ўладзімера Някляева, які таксама прысутнічаў на Кастрычніцкай плошчы ўвечары 24 лістапада. Генпракуратура, заявіў Радзівонаў, у першую чаргу дае ацэнку дзеяньням арганізатараў акцыі.
Радзівонаў таксама ня змог адказаць на пытаньне, чаму Статкевіч і Рымашэўскі не прыцягнутыя да адміністрацыйнай адказнасьці за арганізацыю несанкцыянаванага мерапрыемства. Ён ня выключыў, што на гэта паўплываў іх цяперашні статус кандыдатаў у прэзыдэнты.
Пытаньне пра ўдзел кандыдатаў у прэзыдэнты Віталя Рымашэўскага і Мікалая Статкевіча ў несанкцыянаванай вулічнай акцыі ЦВК разгледзіць 30 лістапада.
У адпаведнасьці з выбарчым заканадаўствам у дачыненьні да кандыдатаў у прэзыдэнты ЦВК можа вынесьці папярэджаньне альбо прыняць рашэньне аб адмене іх рэгістрацыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international