Магілёў. У Кастрычніцкім раёне пашырана колькасць месцаў для агітацыі

2010 2010-11-25T11:42:38+0200 1970-01-01T03:00:00+0300 be http://spring96.org/files/images/sources/vetraz-magilou.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Кастрычніцкім раёне г.Магілёва пасля звароту даверанай асобы кандыдата на пасаду прэзідэнта Уладзіміра Някляева Аксаны Закрэўскай у Кастрычніцкую раённую выбарчую камісію з просьбай пашырыць колькасць месцаў для правядзення масавых мерапрыемстваў заява была задаволена.

“Я звярнулася ў Кастрычніцкую выбарчую камісію з заявай, у якой прасіла разгледзець нашу просьбу аб павелічэнні колькасці месцаў для правядзення масавых мерапрыемстваў у Кастрычніцкім раёне горада. Гэта звязана, па-першае, з тым, што ў Кастрычніцкім раёне ўсяго два месцы для правядзення масавых мерапрыемстваў і знаходзяцца яны на ўскрайках гораду, а па-другое - рашэнне аб пашырэнні колькасці месцаў для агітацыі ўжо было прынята ў Мінску”, - гаворыць Аксана Закрэўская.

Пасля разгляду заявы Кастрычніцкая выбарчая камісія прыняла рашэнне дазволіць правядзенне масавых мерапрыемстваў на дадатковых пляцоўках - каля кінатэатраў “Ветразь” і “Космас”, а таксама каля гандлёвага цэнтру “Прэстан”. Акрамя гэтага дазваляецца праводзіць гэтыя мерапрыемствы на дваравых пляцоўках, абсталяваных для правядзення такіх мерапрыемстваў, а менавіта ў дварах дамоў №№ 21Б і 63 па Пушкінскім праспекце, а таксама ў двары дома № 142 па вуліцы Чалюскінцаў.

Праваабаронца Барыс Бухель з нагоды пашырэння колькасці месцаў для правядзення агітацыі адзначыў, што ўсё роўна іх недастаткова.

“Мы будзем рыхтаваць заяву ў Кастрычніцкую выбарчую камісію, у якой будзем прасіць каб нам акрэслілі спіс месцаў, дзе не дазваляецца праводзіць масавыя мерапрыемствы. Мінская гарадская выбарчая камісія дзейнічала ў адпаведнасці з гэтым прынцыпам. Наша ж камісія вырашыла скарыстацца прынцыпам “забаронена ўсё, што не вызначана”, што не адпавядае прынцыпу дэмакратыі, калі дазваляецца ўсё  і агучваецца тое, што забаронена. У любым выпадку колькасці месцаў для правядзення масавых мерапрыемстваў недастаткова”, - гаворыць праваабаронца.

Нагадаем, што дагэтуль для правядзення масавых мерапрыемстваў у Кастрычніцкім раёне горада фігуравала ўсяго дзве пляцоўкі – адкрытая эстрадная пляцоўка Дома культуры Магілёўскага аўтамабільнага завода імя Кірава – філіал “БелАЗ” (вул.Аўтазаводзкая,1) і пляцоўка перад дзяржаўнай установай культуры “Палац культуры вобласці” (пр-т Пушкінскі, 1).

“Праваабаронцы за свабодныя выбары”  

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international