Барысаў. ЦВК падтрымала прапанову даверанай асобы апазіцыйнага кандыдата

2010 2010-11-25T11:35:20+0200 1970-01-01T03:00:00+0300 be http://spring96.org/files/images/sources/centrvybarkam.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Цэнтральная камісія па выбарах прызнала, што месцаў для правядзення масавых мерапрыемстваў (сходаў па-за памяшканнямі, мітынгаў і пікетаў), якія арганізуюцца кандыдатамі ў прэзідэнты і іх даверанымі асобамі, у Барысаве выдзелена відавочна недастаткова.

Давераная асоба кандыдата ў прэзідэнты Уладзімера Някляева барысаўчанін Міхаіл Васільеў атрымаў адказ ЦВК на сваю скаргу з нагоды недастатковай колькасці месцаў для правядзення сходаў, мітынгаў і пікетаў па-за памяшканнямі. ЦВК пагадзілася з довадамі Васільева.

У адказе № 01-12/В-630, у прыватнасці, гаворыцца: "Улічваючы, што ў Барысаве пражывае каля 200 тысяч чалавек і пяць месцаў, выдзеленых райвыканкамам для правядзення падобных мерапрыемстваў відавочна не дастаткова, ЦВК звярнулася ў Мінскі абласны выканаўчы камітэт з просьбай даручыць Барысаўскаму райвыканкаму дадаткова вызначыць месцы для правядзення масавых мерапрыемстваў (сходаў па-за памяшканнямі, мітынгаў, пікетаў), якія арганізуюцца кандыдатамі ў Прэзідэнты Рэспублікі Беларусь, іх даверанымі асобамі ".

Міхаіл Васільеў звяртаўся з аналагічнай скаргай і ў Мінскі аблвыканкам. Пакуль адказу адтуль не паступала.

"Праваабаронцы за свабодныя выбары"

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international