Уладзімір Правальскі абскарджвае адмову ў рэгістрацыі кандыдатам

Скарга на пастанову ЦВК аб адмове ў рэгістрацыі кандыдатам у прэзідэнты пададзена Уладзімірам Правальскім у Вярхоўны суд 19 лістапада. 22 лістапада, адпаведна, павінен адбыцца разгляд скаргі.

У сваёй скарзе У.Правальскі сцвярджае, што Цэнтрвыбаркам не правяраў адпаведнасць парадку вылучэння яго кандыдатам у прэзідэнты. Таксама ён інфармуе Вярхоўны суд, што не атрымаў пастанову ЦВК аб адмове ў рэгістрацыі, нягледзячы на вусны зварот у камісію.
На падставе артыкулу 68 Выбарчага кодэксу ён патрабуе адмяніць пастанову Цэнтравыбаркаму ад 18 лістапада. У гэты дзень на пасяджэнні ЦВК было заяўлена, што сапраўднымі прызнаны толькі 118 подпісаў за вылучэнне Уладзіміра Правальскага – гэткая выснова зроблена на падставе экспертызы, праведзенай супрацоўнікамі  МУС.

Як ужо паведамлялі “Праваабаронцы за свабодныя выбары”, высновы адмыслоўцаў пацвердзілі несапраўднасць большасці подпісаў, здадзеных у падтрымку Правальскага.
“Праваабаронцы за свабодныя выбары”