Жабінка: Сайты райвыканкама і "раёнкі" не паведамляюць пра месцы для агітацыі

2010 2010-11-19T17:07:11+0200 1970-01-01T03:00:00+0300 be http://spring96.org/files/images/sources/zhabinka.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Нягледзячы на тое, што ў Беларусі ўжо афіцыйна стартавала агітацыйная кампанія па выбарах прэзідэнта краіны, далёка не ўсе органы мясцовай выканаўчай улады апавясцілі грамадскасць, дзе кандыдаты на пасаду кіраўніка дзяржавы і іх давераныя асобы могуць праводзіць сустрэчы са сваімі выбаршчыкамі на тэрыторыі таго ці іншага раёна.

Да прыкладу, на раніцу 19 лістапада такая інфармацыя адсутнічала на афіцыйным сайце Жабінкаўскага райвыканкама і інтэрнэт-старонцы дзяржаўнай раённай газеты “Сельская праўда”. Таксама на гэтых інфармацыйных рэсурсах не размешчаны дакументы, якія рэгламентуюць месцы, дзе можна вывешваць друкаваную агітацыйную прадукцыю.

Між тым, па некаторых звестках, ужо ў бліжэйшыя выходныя некаторыя кандыдаты маюць намер наведаць Жабінку, і адсутнасць даступнай інфармацыі пра тое, дзе можна сустракацца з выбаршчыкамі і размяшчаць інфармацыю агітацыйнага характару, можа выклікаць канфліктныя сітуацыі з праваахоўнымі органамі, якія адсочваюць выкананне нормаў выбарчага заканадаўства.

"Праваабаронцы за свабодныя выбары"

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international