У Менску затрымалі актывіста БХД за распаўсюд налепак "Сыходзь"
https://spring96.org/be/news/37703
2010
2010-11-12T18:39:00+0200
2010-11-12T18:39:00+0200
1970-01-01T03:00:00+0300
be
Сёння ноччу ў Першамайскім раёне Менску за распаўсюд налепак “Сыходзь!” быў затрыманы 24-гадовы актывіст БХД Антось Котаў.
Актывіста пратрымалі каля трох гадзін і пасля складання пратаколу адпусцілі. Зараз Антося Котава чакае суд. Яму інкрымінуецца парушэнне артыкулу Адміністрацыйнага кодэкса Рэспублікі Беларусь 21.14.2 “Парушэнне правіл добраўпарпадкавання і ўтрымання населеных пунктаў”. Актывісту пагражае штраф у памеры ад адной да дзесяці базавых велічынь.
Нагадаем, што гэты артыкул Адміністрацыйнага кодэкса і раней выкарыстоўваўся ўладамі для пераследу грамадскіх актывістаў.
Акцыя "Сыходзь!", ініцыяваная БХД і Маладым фронтам, павінна прайсці 24 лістапада а 18 гадзіне на Кастрычніцкай плошчы Менска.
