Шклоў: Да назіральніка завіталі міліцыянеры

2010 2010-11-10T12:32:39+0200 1970-01-01T03:00:00+0300 be http://spring96.org/files/images/sources/mikhail-kuczarenka-mahiliou.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Назіральнік Міхаіл Кучарэнка

Назіральнік Міхаіл Кучарэнка

Раніцай 9 лістапада ў кватэру да назіральніка пры Шклоўскай раённай камісіі па выбарах Прэзідэнта Рэспублікі Беларусь Міхаіла Кучарэнкі завіталі супрацоўнікі міліцыі. Яны спрабавалі высветліць, чаму летам гэтага года Міхаіл Кучарэнка і іншыя грамадскія актывісты са Шклоўскага раёна збіралі подпісы супраць перадачы мясцовых вадаёмаў у арэнду прыватным прадпрымальнікам.

- Мясцовых жыхароў вельмі хвалюе гэта пытанне, бо дайшло да таго, што людзям амаль няма куды выйсці з вудай адпачыць, паўсюдна трэба за гэта плаціць грошы. Мы тады сабралі больш за трыста подпісаў пад зваротам, які пасля накіравалі ў самыя розныя інстанцыі: пракуратуру, КДК, міністэрства аховы прыроды і г. д. З гэтых інстанцый прыйшлі адказы, што рашэнні Шклоўскага рацвыканкама законныя і парушэнняў няма, - распавядае Міхаіл Кучарэнка.

Супрацоўнікі міліцыі спрабавалі высветліць, адкуль грамадскаму актывісту вядомыя факты, прыведзеныя ў звароце, хто дапамагаў яму збіраць подпісы і даваў неабходную інфармацыю.

- Яны прабылі ў маёй кватэры каля гадзіны, склалі пратакол. На большасць пытанняў я адказваць адмовіўся, бо ў мяне склалася ўражанне, што супрацоўнікаў міліцыі цікавяць не факты парушэнняў закона падчас перадачы вадаёмаў у арэнды, а тое, чаму гэта мы ўсё-такі вырашылі збіраць подпісы супраць рашэнняў Шкоўскага райвыканкама аб перадачы вадаёмаў у арэнду і хто нам у гэтым дапамагаў. Не выключаю, што такія дзеянні шклоўскіх міліцыянераў - гэта спроба націснуць на мяне, каб я не так актыўна дзейнічаў у якасці назіральніка падчас прэзідэнцкай выбарчай кампаніі, - кажа М.Кучарэнка.

Нагадаем, што назіральнік Міхаіл Кучарэнка накіроўваў у Шклоўскую раённую камісію шэраг пратэстаў супраць парушэнняў, якія, на яго думку, дапускалі сябры ініцыятыўнай групы Аляксандра Лукашэнкі падчас збору подпісаў за яго вылучэнне.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international