Жодзіна: Прапановы выканкама па месцах для агітацыі падтрыманы адзінагалосна

2010 2010-11-10T11:13:39+0200 1970-01-01T03:00:00+0300 be http://spring96.org/files/images/sources/zodzina-tvk-inf-uchast-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Паседжанне Жодзінскай гарадской выбарчай камісіі, якое прайшло 9 лістапада, было прысвечана разгляду прапаноў выканкаму аб месцах для размяшчэння агітацыйнай друкаванай прадукцыі будучых кандыдатаў, месцах для правядзення сустрэч з выбаршчыкамі ў закрытых памяшканнях, а таксама месцах, дзе будучыя кандыдаты і іх давераныя асобы змогуць праводзіць масавыя мерапрыемствы агітацыйнага характару.

Разгляд пытання не выклікаў пытанняў, заўваг ці прапаноў з боку сябраў камісіі, і на працягу 10 хвілін завершыўся адзінагалоснай падтрымкай.

Такім чынам, агітацыйныя друкаваныя матэрыялы ў Жодзіна будуць размяшчацца ў “найбольш наведваемых грамадзянамі” месцах: на інфармацыйных стэндах адміністратыўных будынкаў і прахадных арганізацый горада, інтэрнатаў, устаноў аховы здароўя, культуры, фізічнай культуры і спорта, адукацыі, арганізацый гандлю і грамадскага харчавання, разлікова-касавых цэнтраў банкаў, аддзяленняў паштовай і электрычнай сувязі, чыгуначнага вакзала, аўтастанцыі. Для сустрэч з кандыдатамі “пад дахам” выдзелены 7 памяшканняў, а для сустрэч “на вольным паветры” – 6 месцаў.

Падчас паседжання прысутнічаў у якасці назіральніка праваабаронца Аляксей Лапіцкі, які выказаў меркаванне, што прынятае вызначэнне можа абмяжоўваць магчымасці кандыдатаў на выбар формы, спосабаў і фармату агітацыі, выбар прыдатных месцаў для размяшчэння агітацыйнай прадукцыі, а таксама сустрэч з выбаршчыкамі. Старшыня гарадской камісіі С.Афанасенкаў на гэта адказаў, што “так было заўсёды”, але “прымаемае ўзгадненне не канчатковае, і калі выканкам палічыць неабходным, ён унясе змены і прыме рашэнне больш ліберальнае за цяперашняе”.

Галоўным для прадстаўнікоў гарадской камісіі ў гэты дзень стала размеркаванне друкаваных матэрыялаў для створаных у горадзе 23 участковых камісій: абвестак для выбаршчыкаў, бланкаў для спісаў выбаршчыкаў.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international