У Горадні выйшаў на свабоду намесьнік кіраўніка гарадзенскага гарадзкога штабу Аляксандра Мілінкевіча Вадзім Саранчукоў

6 сакавіка раніцай Вадзім Саранчукоў пакінуў міліцэйскі сьпецпрыёмнік, дзе ён правёў пяць дзён нібыта за дробнае хуліганства.
Нагадаем, што першага сакавіка актывіст быў затрыманы міліцыянтамі ў цывільным, а на наступны дзень судзьдзя Людміла Жук Кастрычніцкага раённага суду вынесла рашэньне аб адміністратыўным пакараньні тэрмінам пяцёра сутак.

Калегі Вадзіма лічылі, што гэта было зроблена, каб ён ня здолеў паехаць на сустрэчу з Аляксандрам Мілінкевічам і выбарцамі, якая адбылася ў Менску 2 сакавіка, а таксама каб ён ня ўдзельнічаў у арганізацыі сустрэчы з кандыдатам на прэзыдэнта ў Горадні, якая мела месца 4 сакавіка.